Ժեստեցիները Մ․ Մաշտոցի անվան համալսարանում կազմակերպված «Աշխատանքի շուկա 2024թ»-ում
Հունիսի 20-ին Մեսրոպ Մաշտոցի անվան համալսարանում կազմակերպվեց «Աշխատանքի շուկա 2024թ»- էքսպոն։ Էքսպոյին իր մասնակցությունն ապահովեց և պատվավոր տեղ զբաղեցրեց «Ժեստ» հոգեբանական կենտրոնը։
«Աշխատանքի շուկա 2024թ»-ը «Ժեստ» հոգեբանական կենտրոնին հնարավորություն տվեց ևս մեկ անգամ ներկայացնել իր 17-ամյա գործունեությունը, հեղինակային նախագծերը և բաժինները միջոցառման մասնակիցներին:
Էքսպոյի շրջանակներում ներկայացվեց`
- Կենտրոնում իրականացվող հոգեբանական ծառայությունները` անհատական խորհրդատվություններ առանց տարիքային սահմանափակման
- Զինանոցը` դիմելու պայմանները, ընձեռնող հնարավորություններն ու ոլորտում ունեցած կարևորությունը
- Միջազգային բաժինը, որտեղ իր կենտրոնական տեղն ուներ հոգեբանական երկլեզու հանրագիտարանը, վերջին շրջանում միջազգային կոնֆերասների մասնակցության արդյունքում ստեղծված հեղինակային ծրագրերը, ինչպես նաև միջազգային հավաստագիրը` IAO-ի կողմից, որը փաստում էր կենտրոնի կոմպետենտությունն ու միջազգային բարձր ստանդարտներին համապատասխանելը
- Գենետիկ թեստավորումը, որին մեծ ոգևորությամբ արձագանքում էին ներկաները, ովքեր ունեին մասնագիտության կողմնորոշման հարցում դժվարացող դեռահասներ
- Եվ վերջապես ստեղծված նորույթը` հեղինակային ընտանեկան խաղերը, որոնք ունեցան իրենց նախավաճառքը էքսպոյի շրջանակներում։
Կենտրոնի տաղավարն իր ակտիվության արդյունքում, մեծ հետաքրքրություն և ոգևորություն առաջացրեց մասնակիցների, հատկապես ուսանողների մոտ:
Շնորհակալ ենք Մ․ Մաշտոցի անվան համալսարանի կարիերայի կոնտրոնին՝ հոգեբանության ոլորտում նման ներդրում ունենալու համար։
Հետ