ԳԼԽԱՑԱՎ` ՀՈԳԵՄԱՐՄՆԱՅԻՆ ԴՐՍԵՎՈՐՈՒՄՆԵՐԸ
Մեզանից յուրաքանչյուրն իր կյանքում բախվել է գլխացավի հետ: Այն խանգարում է զբաղվել առօրյա գործերով, խաթարում է կենսակերպը՝ իր վրա կենտրոնացնելով անձի ողջ ուշադրությունը։ Հաճախ դեղորայքը չի օգնում կամ գլխացավերը կրում են կրկնվող բնույթ։ Գլխացավերի դրդապատճառները տարբեր են: Ինչպես շատ հոգեմարմնային խնդիրներ, գլխացավը նույնպես կարող է առաջանալ ենթագիտակցական ներքին խնդիրների հետևանքով, չբավարարված պահանջմունքների, չարտահայտված հույզերի, զգացմունքների պատճառով։
Գլխացավերի տեսակներն ըստ օրգանական բնույթի հետևյալ կերպ կարելի է խմբավորել՝
- լարվածություն
- միգրենային (արյունատարանոթներիլայնացում)
- կլաստերային
- մենուստրացիոն, որն ավարտվում է օվուլյացիայի ժամանակ, կամ նրանից հետո
- ծանրաբեռնվածություն (հատկապես ֆիզիկական, 10 %-ի մոտ օրգանական խնդիր է լինում)
- բորբոքային (հատկապես 50-ից հետո առաջանում են պարանոցի և գլխի զարկերակների բորբոքում)
- անոթային
Հոգեմարմնային դրսևորումները՝
- անձի զարգացման խանգարում
- սուր տրավմատիկ և ուժեղ կոնֆլիկտային իրավիճակներ
- խորը ապրումներ
- գերծանրաբեռնվածություն
- թշնամանք
- վիրավորվածություն
- ցասում
- մասնագիտական (հուզական) այրում
Ուղեղն ինքն իր ցավը չի զգում, քանի որ ուղեղի կառուցվածքային թելիկներում բացակայում է ցավի ռեցեպտորը։
Լարվածությունից, ներքին կոնֆլիկտից, տագնապներից, կպչուն մտքերից սկսվում է ռեսուրսների գերածախս և արյան մեջ պարզապես քչանում է գլյուկոզը, նեյրոններում՝ թթվածինը, և անոթները նեղանալով չեն կարողանում ուղեղին բավարար քանակությամբ արյուն մատակարարել։ Եթե խնդիրներն արագ կարգավորվում են, ապա գլխացավերը կրում են կարճաժամկետ բնույթ, իսկ եթե շարունակվում է հոգեհուզական վիճակի լարվածությունը, ապա արունատար անոթներում ի հայտ են գալիս սպազմատիկ իրավիճակներ, որոնք հանգեցնում են երկարատև ցավերի:
Կարող են ցավերը լինել հետևյալ բնույթի՝
- պույլսային
- սեղմվածության
- ծանրության
- բութ ցավեր
Նրանք տարածվում են նաև պարանոցի և ուսահատվածների վրա։ Ցավի միջոցով իրականացվում է մարդու կողմից ճնշված հույզերի արտացոլում։ Ցավն արտացոլում է ճնշված հույզեր, շատերը ցավն ասոցացնում են մեղքի զգացման հետ, կամ մտածում են, որ պատժվում են այդ կերպ։ Գլխացավերը հաճախ այն մտքերն են, որոնք մեզ համար «գլխացավանք» են հանդիսանում:
Գլխացավեր ունենում են հիմնականում բարձր պատասխանատվության տեր մարդիկ, պերֆեկցիոնիստներն, ովքեր ամեն ինչում կատարելություն են փնտրում:
Գլխացավերի հոգեմարմնային խնդիրները լուծելու համար հարկավոր է դիմել համապատասխան մասնագետների:
Հետ